بقيت حاوي

عن صاحبة البلوج أتحدث

-مجنونة و ممكن في 5 دقايق تتقلب من موود للتاني لأ وممكن في نفس اليوم تشوف منها فصول السنة كلها
-بتحب الفراشات و العصافير و بتجري تلعب معاهم في الجامعة

-بتغني بصوت عالي في الشارع

-بتحب كوبري الجامعة و المشي عليه و بتحس انه مملكتها

-بتحب اللون البمبي و الفوشيا و البينك و مشتقاتهم و درجاتهم

-بتحب المطر
-بتحب البحر و بتبعتله اسرارها
-بتحب القمر
-بتؤمن بالأبراج

-بتحب شعرها لما بيكون منكوش "في مقال اخر كيرلي"

-بتحب عصير الليمون و بتحب تأرأش الثلج بعد ما تخلص الليمون
-بتحب اي حاجة اسمها شيكولاتة

-بتحب الشعر الطويل مع انها شعرها قصير

-بتحب الرسم و مابتعرفش ترسم

-بتحب المزيكا و الغنا و مابتعرفش تعزف علي اي آلة ولا بتغني

-بتحب قصص عروسة بحر و طول عمرها نفسها تبقي عروسة بحر

-بتحب أفلام الكارتون و هي اصلا خارجة غلط من فيلم كارتون

-بتحب الأطفال لحد سن 5 سنين و بتلعب معاهم كأنها في سنهم في المترو و الشارع و الجامعة و مالهاش دعوة العيون اللي حواليها بتقول ايه عليها

بقيت حاوي

رسمتي الوحيدة :)

الجمعة، 7 مارس 2014

ليست هناك تعليقات:

إرسال تعليق